搬屋前準備工夫
如果由自己入搬屋紙箱,就要睇清楚以下工作清單,仲要預備搬屋預算,如有錯漏就要準快補漏。

事前工夫
  1. 最好預一個月時間作搬屋準備工夫,通知新屋大廈管理處安排時間搬屋。
  2. 諗定電器傢俬擺位,執屋就可以慳好多時間。
  3. 確定新居無地方要補漏,因為搬屋後才補救費時失事。
  4. 傢俬要先做滅蟲工夫,確保唔會帶埋蛇蟲鼠蟻過去。
  5. 改地址切斷水、電、電話等,大把表格等你填。

教你點包裝
  1. 衣物唔使逐件摺放入袋,有外褸、西裝或靚裙摺,直接掛上流動衣架上面 ,用保鮮紙成個架包好,一次過推上車就最快捷。
  2. 雪櫃入面的食物唔使拎出,只要拔走電源,成個雪櫃連食物搬走就得,因為車程遠極都係約一粒鐘,食物唔會咁快變壞,但雪糕除外。
  3. 電視同電腦要包好

包裝傢私
  1. 先用白報紙墊好箱底。
  2. 用氣泡紙包好大件電器
  3. 其餘電線或遙控等配件,先捲好再用尼龍繩綑好,用bubble紙包實 。
  4. 較重物件放在紙箱底,輕放上面,重的唔好放在同一紙箱內,每個紙箱不要超過20磅重。
  5. 易碎物要獨立隔開

留意事項
  1. 要先好紙皮,砌成紙皮格,放入紙箱。
  2. 用報紙或軟墊包好易碎品,放入格中,記得箱外寫上「易碎輕放」。

作為消費者,一定要清楚專業搬屋公司包乜服務,最緊要咪俾人多收費用! 
  1. 唔好亂比貼士
    好多公司都規定工人唔可以私下貼士,如果工人真係好落力,10%貼士都好夠喇。
  2. 紙箱多免費 
    好多公司都會送紙箱同封箱膠紙比你包裝濕碎,十零廿個搬屋紙箱通常都唔收錢。 
  3. 包還完服務 
    工人係有責任要幫你還原番傢俬,唔好搬完就畀佢收工,係你應享服務。
  4. 搬多左要通知 
    如果搬屋當日要搬貨物比報價時多,一定要打電話同搬運公司講,咪私下畀錢等工人搞點,分分鐘收費多你都唔知呀。